NATURA, HONDARTZAK

ETA IBILBIDEAK

ARMINTZAKO
HONDARTZA
ETA INGURUAK

INTERESEKO
IBILBIDEAK

Hondartza

Hondartzak beti izan dira Bizkaiko kostaldearen aspekturik erakargarriena, eta ez bainu denboraldi ofizialean bakarrik, urte osoan zehar ere bai. Armintzan kokatutako Armintzekalde hondartzaz gain.

Bizkaiaren 150 metroko kostaldean 29 hondartza daude eta Uribe Kostaren baitan sartzen diren sei hondartzak nabarmendu nahi genituzke: Barrika, Muriola eta Meñakoz hondartzak Barrikan, Gorlizko hondartza, Plentziako hondartza eta azkenik, Meñakoz, Atxaribitil eta Barinatxe hondartzak Sopelan.

Armintzako hondartzak eskaintzen dituen zerbitzuen artean ondorengoak aurki ditzakegu: aparkalekuak, dutxak eta edateko ura duten iturriak, zaintza eta sorosleak eta hondartza astero garbitzen duen garbiketa zerbitzua.

Gorliz – Armintza – Gorliz

Ibilbide hau Gorlizen hasten da, elizaren parean, Armintzarako errepidea hartzen den lekuan. Orabillera heltzean eskuineko saihesbidea hartu behar da, Berreagarantz. Bertatik helduko gara Andrakara, Lemoizko udalerrian. Andrakan beherantz doan errepidea hartu behar da, Urizarretik pasatuz Armintzako porturaino doana.

Bueltatzeko, Armintzatik atera eta Gorlizko noranzkoa hartu behar da. Urizarko bidegurutzera iristean, eskuineko bidea hartuko dugu. Bide horretatik Orabillera bueltatuko gara eta Gorlizerantz jarraituko dugu, saihesbiderik hartu gabe.

Armintza – Basorda

Armintza eta Bakio arteko errepidetik igarotzen da ibilbide hau. Armintzan hasten da, Armintzakalde izena duen harrizko hondartza txikian.

Bertan hartuko dugu Bakiorako errepidea, aldapa txiki batekin hasten dena. Ibilbidean zehar baserriak eta itsasoaren gaineko ikuspegi zoragarriak aurkituko ditugu, inguruko amildegi eta begiratokietatik.

Gorliz – Ermua mendia

Gorlizko hondartzaren ertz batean hasten da ibilbidea. Badia zabal batek bertako ura babesten du eta itsaspekaritzarako eta igeriketarako toki aproposa bilakatzen du. Badiaren inguruko naturak eta paisaiak mendi-ibiliak egiteko eta aisialdirako aukera zabala eskaintzen dute.

Euskal kostaldean bakana den fenomeno bat ikusi ahalko dugu Astondo inguruan: duna fosil ugari daude, Billano uhartearekin batera Biotopo Babestuaren barneko naturgune izendatik hurbil daudenak.

Dunen parean hasten da kostaldearen ertzetik gorantz doan bidea, begiratoki batetik igarotzen dena. Ibilbide osoan zehar “Ibilide” eskultura-instalazioaren brontzezko piezak aurkituko ditugu hainbat puntutan.

Begiratokitik Azkorriagako gotorlekuaren hondakinak ikus daitezke. XVIII. mendean eraiki zen gotorlekua, badia defendatzeko. Gotorlekuaren inguruan babesleku naturalak, sarbide zaila duten kalak, denborak higatutako arrokak eta senadi handiak daude. Horiek guztiek paisaia basati eta ederra osatzen dute. Gauden tokitik ibilbidearekin jarraitu genezake, edo abiapuntura bueltatu, Foru Abeletxera eramango gaituen eskuineko bidea hartzeko. Abereen hautapen eta hobekuntzarako lanak gauzatzen dira Foru Abeletxean eta Bizkaiko Fauna Basatia Sendatzeko Zentroa ere bertan dago kokatuta.

Gure ibilbideak kostaldeko hegaletatik gora jarraitzen du, ibilbide honetako elementu protagonistara heldu arte: Gorlizko itsasargia. Bere dorre zuria 165 metroko altuera duen amildegi ikaragarri baten gainean dago.

Itsasargitik, ibilbideak aurrera jarraitzen du, kostaldeko artadien artetik ekialderantz doan bidexkatik, Ermua mendiaren gailurreraino (289 m). Mendigune txiki bat da, itsasoraino doazen hainbat gailur dituena. Horrela, 200 metrora arteko altuera duten amildegi handiak sortzen ditu, tartean kala txikiak dituztenak.

Billano uhartea dugu aurrean, uharte txiki eta harkaiztsua. Baliotsua da geologiaren eta paisaiaren aldetik eta garrantzitsua da bertan hegazti migratzaileek habiak egin eta atseden hartzen dutelako. Arrazoi horiek erabakigarriak izan dira naturgune babestu modura proposatzeko orduan.

Ermua menditik ekialderantz jarrai dezakegun, Armintzarantz. Hala ere, gure ibilbidea abiapuntura itzultzen da, Astondora, Fanoko zelaiak zeharkatuz. Zelaietatik eta artadietatik igarotzen den ibilbide honek paisaia izugarri ederra eskaintzen du.

TURISMO AKTIBOA

BTQ Eventos

Empresa gestora de las incipientes demandas que surgen del mercado, crea actividades y espacios a la carta
Contacto:
c/portugane 16 3 dch
656 795 601

Cazaventuras

Información detallada de programa de caza en el mundo
c/ portugane 16 3ºdch
639 137 109

C.D. Hípica Goikomendi

Centro ecuestre, alojamiento de caballos, paseos.
goiko_mendi@yahoo.es
Berreaga auzoa
649 38 59 50 / 946 87 94 27

Club de Buceo Nervión Sub

Oferta de cursos de buceo, caza submarina, etc.
Atalaia
670 41 37 57

Inactur

Asociación de empresas innovadoras en Turismo
c/portugane 16 3ºdch
616 925 746